أحلى تحلية بأعلى قيمة غذائية

التحلية في رمضان حاجة محدش يقدر يستغنى عنها! خصوصاً إن في أكلات كتير ممكن مناكلهاش غير في رمضان زي المكسرات والياميش والقطايف والخشاف وفي كمان التمر باللبن إللي مصنف دايماً إنه أحلى تحلية بأعلى قيمة غذائية.. التمر لوحده مليان فوايد أهمها إنه بيحتوي على سكريات سريعة الإمتصاص ودة إللي بيدي طاقة وتركيز سريع خصوصاً بعد يوم صيام طويل وكمان يحتوي على الحديد والماغنسيوم وفيتامين أ و د وطبعاً اللبن معروف بفوايده الكثيرة!

عشان كدة بنقدم النهاردة طريقة عمل التمر باللبن:

المقادير:

نصف كيلو تمر ناشف منزوع النوى مقسوم لنصفين – كيلو لبن – سكر أو عسل – جوز هند مبشور

الطريقة:

– هنسخن اللبن على النار وأول ما يبدأ يغلي هنضيف له التمر، وبعد الغليان هنطفي عليهم ونغطيهم لدقائق

– هنضيف جوز الهند المبشور والسكر أو العسل حسب الرغبة ولما يبرد نحطه في الثلاجة ويتقدم بارد

It's only fair to share...Share on Facebook0Share on Google+0Pin on Pinterest0Tweet about this on Twitter
الكلمات الدليلية:, , , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *