رياضة الجري واهم النصايح للمبتدئين

الجري رياضة هايلة ومن أحسن وأسهل الطرق إنك تحافظ وتحسن صحتك وكمان تحافظ على وزنك أو تخس. زي أي تمرين تاني الجري ممكن يكون أصعب كتير مما إنت متخيل وخصوصا لو إنت لسة مبتدي تجري جديد.

 

علشان كدة جايبنلك النهاردة شوية نصائح عن رياضة الجريتخليك تقدر تستفيد من التمرين ومتتعبش أكتر من اللازم

Tying sports shoe

أول حاجة وأهم حاجة إنك تجيب جزمة مناسبة للجري لأن نعلهم عادة بيبقى سمكه أكتر وبطانتهم أكتر وكمان بيديك ثبات وأنت بتجري.

أما بقى لو عايز تتأكد إن رجلك مش هتتعور أو يطلعلك قرح، جرب تدهن الأمكان اللي ممكن تكون عرضة للجروح أو القرح زي كعبك وأطراف صوابع رجلك مثلا  قبل ماتلبس الشراب. ولو حسيت إن في قرحة بتبتدي غطيها ببلاستر علشان متضايقش.

أفتكر كمان إنك ماتبتديش سخن كدة على طول، لازم تسخن شوية قبل ما تجري علشان متحطش ضغط كتير على عضلة القلب. إبتدي الأول مشي مثلا وبعدين سرع واحدة واحد علشان ضربات قلبك تعلى تدريجا. كمان لما تخلص إعمل نفس الموضوع، إجري أبطأ شوية وبعدين إمشي لمدة خمس دقايق مثلا لأنك كدة هتخلي ضربات قلبك وضغطك ينزلوا تدريجيا وده أصح.

لآزم كمان تأخد بالك من وضع جسمك أثناء الجري، خلى دايما كوعك عند وسطك ودراعك جنبك في زاوية قائمة وأتأكد إن ضهرك مفرود وكتافك عدلة ومرتاحة ورأسك مرفوعة. وضعية الجسم الغلط ممكن تخليك تتنفس غلط وده أكيد هيأثر عليك.

اوعى تفكر تجرى وانت مش واكل كويس .. خلى وجبتك تكون قبل الجرى بساعه او ساعتين على الاقل وطبعاً متقلش فى الأكل.

اخر واهم نصيحه، افتكر دايماً تشرب كميات مياه كافيه. اثناء الجرى او التمرين عموماً، جسمك بيفقد المياه اللى ىفيه عن طريق العرق، وعشان كدا لازم تعوض دا عن طريق شربك لكميات مياه اكتر

الجري رياضة جميلة وممتعة ومفيدة وأكبر ميزة فيها إنك ممكن تجري في أي حتة. أجري وحسن صحتك ولو عندك أي نصائح تانية إبعتها لنا وقولنا عملت إيه.

It's only fair to share...Share on Facebook0Share on Google+0Pin on Pinterest0Tweet about this on Twitter
الكلمات الدليلية:, , , , , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *