إحمي نفسك من ضربة الشمس في الصيف

الصيف ده متوقع إنه يكون طويل وحر جدا جدا ومعنى كدة إن الأمراض والمشاكل اللي بسبب الحرارة هتزيد. أكيد كلنا بنستمتع بالشمس بالصيف بس برضو إفتكر أن الحاجة اللي تزيد عن الحد بتقلب بالضد! ضربة الشمس والإرهاق اللي بيسببه الحر ممكن يكونوا مشكلة كبيرة، يعنى ماتستهينش بيهم. خد بالك، مع موجات الحرارة والحر الصيفي بشكل عام إنك تفضل إنت وأسرتك بعيد عن الحرارة المباشرة على الأقل.

heatstroke
ضربة الشمس أو الإرهاق بسبب الحرارة من الحاجات اللي مرتبطة بالجو الحر والأماكن اللي الحرارة فيها عالية لكنهم أمراض ممكن تكون خطيرة في أي مكان أول ماتبتدي درجات الحرارة ترتفع. المشكلة الحقيقية بتحصل لما ماتشربش مياه كفاية أو سوائل علشان تعوض الحر والمياه اللي جسمك بيخسرها مع العرق والمجهود في الحر. وطبعا لما جسمك بيخسر المياه والأملاح اللي فيه بيتعاني من الجفاف وتبدأ تحس بالتعب.

:ضربة الشمس والإرهاق من الحرارة ممكن يصيب أي حد بس في ناس ممكن تكون حساسة  أكتر للحر أو الحرارة العالية بتأثر عليهم أسرع من غيرهم زي مثلا
– كبار السن عادة أكتر عرضة لضربات الشمس لأن صحتهم بتكون عادة هشة أكتر وبالتالي ممكن مايقدروش يتعاملوا مع إرتفاع درجات الحرارة المفاجئ.
-الأطفال كمان معرضين أكتر لضربات الشمس لأنهم حساسين أكتر للحرارة المرتفعة وممكن يعانوا من الجفاف بسهولة.
– الناس اللي بتشرب كفايين زى القهوه  كمان بيعانوا أكتر بكتير من خطر الجفاف وكمان اللى  مش باخدوا بالهم من كمية الشمس اللي بيتعرضوا لها.

 إيه هو الإرهاق من الحرارة؟

الإرهاق من الحرارة هو العلامة اللي بتنبهك إن جسمك إبتدي يسخن أكتر من اللازم. هتبتدي تحس بالإرهاق لما جسمك يبقى مش قادر يحافظ على حرارته بسبب الجفاف. لما جسمك بيبدأ يسخن أكثر من اللازم ومايقدرش يتخلص من الحرارة الزيادة عن الطبيعي بتحس بالتعب والإرهاق وكمان ممكن تحس إنك متلخبط أو بتعرق بزيادة أو دايخ أو عندك صداع قوي وكمان ممكن توصل لإن معتدتك ماتعرفش حتى تخلى الأكل فيها أكتر من ساعة.

طيب ايه هي ضربة الشمس؟

ضربة الشمس خطيرة لأنها فعلا ممكن تكون مهددة لحياتك لو درجة حرارة جسمك إرتفعت أكتر من 40 درجة مئوية. الخطير جدا في الموضوع إنك ممكن ماتخدش بالك أصلا لما درجة حرارة جسمك بترتفع لأنك مش هتعرق حتى بما إن جسمك بيبقى مهتم أكتر إنه يحافظ على السوائل اللي فيه على قد مايقدر. معنى كدة إن درجة حرارة جسمك ممكن ترتفع جدا لدرجة خطيرة فوق مثلا 43 درجة مئوية.

الأعراض اللي لازم تاخد بالك منها في ضربة الشمس مشابهة جدا لأعراض الإرهاق من الشمس، لكن كمان في أعراض حادة وخطيرة زي:

– فرط التنفس أو إنك يبقى نفسك سطحي وسريع
– الإغماء
– تقلصات العضلات
– قلة أو إنعدام العرق
– التقيؤ المتكرر

أحسن خمس طرق علشان تتجنب ضربة الشمس

1- قلل نشاطك في الأماكن المكشوفة أو برة البيت والمكتب في الحر
2- إتأكد إن الأطفال بعيد عن ضوء الشمس المباشر والأماكن الحر والزحمة
3- إتأكد إنك وعيلتك تشربوا مياه وسوائل كفاية طول اليوم
4- إلبس هدوم خفيفة وألوانها فاتحة وإتأكد إن أولادك لابسين قبعات تحميهم من الشمس لو هم هيخرجوا في الشمس ساعة أو أكتر.
5- قلل من تناول المشروبات اللى فيها كفايين زى القوه والشاى وغيره

 

 

It's only fair to share...Share on Facebook4Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *