اسوأ نصايح التخسيس!

لو كنت من الناس اللي بتحاول تخس أو اللي في يوم من الأيام فكرت تعمل دايت يبقى أكيد سمعت من كل واحد أو واحدة حواليكوا –عايزين يخدموا!- كام نصيحة التخسيس المحترمة أو اللي مفيش بعدهم. كلنا ودانا إتاكلت من طنط فتكات اللي مابطلتش كلام عن ريجيم سعاد بنتها وقد ايه كان خطير وخسسها النص، بس ياترى اللي سمعناه من طنط فتكات صح؟

وبعيد أصلا عن طنط فتكات، حتى على الإنترنت كل واحد برأي وكل واحد بمعلومة لحد مابقى صعب جدا نعرف ايه اللي فعلا صح وإيه اللي غلط. أنقنق ولا لأ؟ أفوّت الفطار ولا أضرب الوجبة المتينة على الصبح؟

Weight loss - tips

إبعد عن النشويات: 

أول الإشاعات اللي هنتكلم فيها النهاردة فكرة إنك تبطّل أو تقطع النشويات خالص من الأكل. مع إن لو عملت كدة فعلا هتلاقي نفسك نزلت كام كيلو تمام في الأول بس بما إن النشويات دي مصدر الطاقة الأساسي لجسمك فأنت أكيد هتعاني وللاسف حيأثر بالسلب على صحتك. جرب أحسن تقلل النشويات شوية بس او تختار النوع الصحى من النشويات اللى تاكلها– بدل البيتزا الحجم العائلي على الغدا مع البطاطس المحمرة وتحلي بالشوكليت كيك المعتبرة، خليها غدا صحي متوازن وبرضو حتة معقولة من الشوكليت كيك. الإعتدال حلو.

single-pea-on-plate-918x516

إمنع الاكل، تخس: 

 في ناس تانية بتطبق نظرية “ريجيم الوجبة الواحدة” يعني متاكلش غير وجبة واحدة في اليوم وتسيب نفسها جعانة والحقيقة إن دة غلط جداً وبيضر أكتر ما بيفيد! أكتر من خبير تغذية بينصح بأكل 3 وجبات في اليوم وبيحذروا من إنك تسيب نفسك جعان لفترات طويلة، الفكرة كلها في  الأكل إللي هتاكله يعني ممكن تخلي الوجبات خفيفة ومش بكميات كبيرة وكل ما تجوع تاكل مثلاً خضار مسلوق أو شوفان أو فاكهة

???????????????????????????????

السناكس اللى بين الوجبات:

النقنقة بقى – أو السناكس- هي اللي واضح إن عليها كلام كتير. حتى متخصصين التغذية اختلفوا ما بين اللي بيقولوا ولا حتى سناك واحدة ولازم تلتزم بمواعيد الأكل، واللي شايفيين إن ممكن تاكل كل ساعتين أو تلات ساعات طول ما الأكل صحي وخفيف. أنا من رأيي إن كل واحد عارف نفسه، لو إنت تقدر تخلى السناكس بتاعتك خفيفة وصحية زي الفواكه والخضار الطازة أو السوداني والمكسرات واللذي منه فيلّا على البركة – هتلاقي نفسك بتجوع أقل وطاقتك موجودة طول اليوم- وربنا يوفقك في الدايت؛ لكن لو إنت عارف إن النقنقه حتقلب برمرمه وحتفتح فى الاكل وبدل حبة مكسرات حيبقى كيلو بحاله، فأنصحك تبعد تماما عن موضوع السناكس ده وتخليك ملتزم بالوجبات التلاتة الأساسية.

It's only fair to share...Share on Facebook0Share on Google+0Pin on Pinterest0Tweet about this on Twitter
الكلمات الدليلية:, ,
التعليقات(1)
  1. بوسى جاد 07/04/2016

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *