التغذية المناسبة لفترة المراهقة

 النمو السريع للجسم

النمو السريع اللي بيحصل خلال فترة المراهقة بيخلي السنين القليلة ما بين 12 و 15 سنة يجي معاها تغييرات نفسية و جسدية و سلوكية كتيرة، و مرحلة النمو السريع دي بتتطلب تغذية مناسبة و صحية و متوازنة عشان يحصل الجسم في فترة المراهقة على كل المواد الغذائية اللي محتاجها لتحقيق النمو ده بشكل كويس و مظبوط مع الحفاظ على وزن صحي يمنع المشاكل الصحية و نقص التغذية السليمة.

الجسم في بداية فترة المراهقة بيحتاج سعرات حرارية أكتر من أي وقت تاني في الحياة، حسب موقع HealthyChildren:

  • الولد بيتطلب 2800 سعرة حرارية في اليوم
  • البنت بتحتاج 2200 سعرة حرارية في اليوم

إيه هي التغذية الضرورية في فترة المراهقة ؟

في خلال فترة المراهقة بيكون نمو و تطور الجسم سريع فعلاً و حاجة الجسم لغالبية المواد الغذائية بتكون عالية، و خصوصاً الكالسيوم و الحديد.

في الفترة دي الجسم بيكون بيطور و بيبني الهيكل العظمي، و عشان يبنيه بأقوى شكل ممكن، الجسم بيحتاج كميات كبيرة من الكالسيوم و اللي بيكون موجود في منتجات الألبان و الزبادي و الجبنة و غيرهم، بخلاف منتجات الألبان الكالسيوم موجود بكميات كبيرة في المكسرات زي اللوز و البندق و حبوب البقول زي الحمص و الفاصوليا و العدس و كمان عيش الحبوب الكاملة و الرز البني و المكرونة البني.

img_8682

مرحلة المراهقة بتحتاج أكل غني بالكالسيوم مرتين أو تلاتة في اليوم، التغذية الكافية من الكالسيوم عن طريق الأطعمة دي بيساعد الجسم يبني عظام قوية و ليها كثافة صحية.

  • كوباية عصير باللبن أو سموثي فواكة مع الفطار أو خلال اليوم هتدي للجسم كالسيوم من اللبن أو الزبادي و فيتامينات من الفاكهة، القايمة دي فيها أفكار صحية و لذيذة للسموثيز.

Teenager Nutrition

الجسم في فترة المراهقة بيكون محتاج حديد برضه، و ده موجود في اللحوم الحمرا و السي فوود و الخضروات الورقية و البقوليات و الحبوب الكاملة و البيض و المكسرات، و عشان الجسم يحصل على كفايته من الحديد هيحتاج وجبتين غنيين بالحديد مرتين في اليوم، فتقدر تستخدم عيش الحبوب الكاملة على الفطار و تخلي الغدا فيه لحوم حمرا عشان الجسم يحصل على كفايته من الحديد.

أهمية الحديد للجسم هي أنه جزء أساسي من عملية تكوين الدم و كمان بيساعد على نمو العضلات، و البنات بيكونوا محتاجين كمية أكبر من الحديد بسبب الدورة الشهرية، نقص الحديد في الدم بيخلي الشخص في فترة المراهقة كسول و شكله شاحب و بيحس بالأرهاق بسهولة.

  • الأكلات اللي بتحتوي على فيتامين سي بتخلي الجسم يمتص الحديد بشكل أسرع.

Teenager Nutrition

أفكار للتغذية المناسبة لابنك أو بنتك في فترة المراهقة

ساعدي ابنك أو بنتك في فترة المراهقة يمشوا على نظام 5 في اليوم! الفاكهة مرتين في اليوم على الأقل و الخضار 3 مرات، تقدري بسهولة تخلي ده جزء من كل وجبة أو كأكل خفيف خلال اليوم.

الفطار

  • حبوب فطار مع فاكهة فريش و زبادي
  • سموثي فاكهة فريش مع توست بشوية زبدة خفيفة
  • بيض مسلوق أو أومليت مع سلطة خضرا و عيش بلدي

Adolescent Nutrition

الغدا في المدرسة

Lunch for Teenagers

  • السندوتشات مصدر سهل و ممتاز للطاقة خصوصاً لما تكون محشية بأكل غني بالكالسيوم زي الجبنة أو الروزبيف أو التركي مع خضار مشوي أو سلطة عشان تكون وجبة متوازنة
  • حبتين فاكهة

العشا

  • بطاطس أو باستا أو رز مع لحمة حمرا أو فراخ أو سمك أو سي فوود أو طاجن هيوفروا للجسم كمية بروتين و حديد ممتازة
  • سلطة
  • حبتين فاكهة
It's only fair to share...Share on Facebook0Share on Google+0Pin on Pinterest0Tweet about this on Twitter
الكلمات الدليلية:, ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *