الكركم وفوائده الكتيرة!

الكركم بلونه الأصفر المميز جدا من التوابل اللي إنت محتاجها في المطبخ ومش بس علشان طعمه أوحتى اللون اللي بيديه للأكل، أو الأكلات الشهية الكتير اللي بتتعمل بيه زي خلطة الكاري مثلاً، لأ كمان علشان الفوائد الكتير اللي في الكركم.

بسبب الفوائد دىه وخصوصا قدرته على محاربة الإلتهابات، الطب الصيني والهندي بيعتمد على الكركم لعلاج حاجات كتير.بس ياتري إيه هي فوايد الكركم؟

  • هيحميك من السرطان

الكركم ممكن يحميك من سرطان البروستاتا ومش بس كدة، ده كمان ممكن يوقف نموالخلايا السرطانية دي وكمان يقضي عليها! الكركم ممكن يمنع الخلايا السرطانية زي اللوكيميا أو سرطان الدم وسرطان القولون والصدر.

  • إلتهاب المفاصل

الكركم ليه تأثير كبير على محاربة الإلتهابات وكمان ليه خصائص مضادة للأكسدة، الكركم ممكن يساعدك كتير في تخفيف الالم وتأثير إلتهاب المفاصل والروماتيزم.

  • لمرضى السكر

لو بتعاني من مرض السكر، الكركم ممكن يساعدك كتير. أولا لأنه بيقلل مقاومة الخلايا للإنسولين فممكن يمنع مرض السكر من النوع التاني أو يقللة، كمان الكركم ممكن ينظم نسبة الإنسولين في الدم وبيساعد على التحكم في الجلوكوز ونسبة السكر. ومش بس كدة ده كمان ممكن يزود فعالية أدوية السكر!

  • جهاز المناعة

بيساعد فى تقوية جهاز المناعه وبيزود فاعليته لان له  خصائص مضادة للإلتهابات والبكتيريا وكمان للفيروسات. لو عندك برد أو إنفلونزا جرب تحط معلقة كركم على كوباية لبن وتشربها كل يوم.

  • للجروح

لو عايز تطهر جرح وتتأكد إنه يلئم بسرعة رش عليه كركم. لأنه مضاد للإلتهاب فهينضف الجرح كويس، وكما بما إنه مضاد للأكسدة فهيخلي الجرح يخف بسرعة وميسيبش أثر.

البهار العبقري ده كمان ممكن يساعدك تحافظ على وزنك لأنه مهم لتكسير الدهون اللي في الأكل، ممكن تجرب معلقة مع كل وجبة! ومش بس كدة ده كمان ممكن يساعد في محاربة الزهايمر وأمراض المخ المشابهة لأنه بيمنع تجمع البلاك في المخ وبيساعد في تحسن تدفق الأكسيجين ليه.

لو هتستخدمه في أكلك أكتر ، أكيد هتحس بالفرق! قول لنا لو جربت إيه اللي حصل معاك.

 

 

It's only fair to share...Share on Facebook36Share on Google+0Pin on Pinterest0Tweet about this on Twitter
الكلمات الدليلية:, , , ,
التعليقات(1)

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *