حقيقة الوجبة الفري

إيه هي الوجبة الفري؟

كتير مننا بيحاولوا يخسوا، واللي مش بيحاول يخس فهو بيحاول يحافظ على وزنه على الأقل.  لو إنت من الناس اللي ماشية على نظام أكل ثابت فإنت أكيد عارف قد إيه ممكن الموضوع يبقى صعب  وإنت بتحاول تفضل ملتزم بنظامك الغذائي. خلينا نكون صرحاء أكتر ونقول إن كتير مننا –ده لو مش كلنا- وصل للحظة ضعف ماقدرش فيها يقاوم وأكل اللي نفسه فيه ونسى تماما موضوع الريجيم! كلنا في لحظة ما غشينا في الأكل!!

بس هل الوجبه االفري دى بتبوظ الدايت؟ أو مثلا ممكن االغش ده يكون أنواع؟ أيوة الغش أنواع. خلينا نتكلم عن نوعين أساسيين، الغش اللي محسوب والغش الغير محسوب. النوع التاني هو ببساطة لما بتضعف قدام أكل منغير ماتبقى مخطط لها من قبل كدة، يعني مثلا لما تقول لنفسك هم صباعين محشي بس وتقوم بالحلة كلها أو لما تقول عشاء بس منغير تحلية وتلاقي نفسك فجأة في تاني حتة كيك شوكولاتة! النوع ده اللي مش مفضل .

guilty-food-pleasures_0

أما بقى النوع التاني فهو لما بتغش في الأكل بتخطيط، يعني تبقى عامل حسابك وعارف إنك في اليوم الفلاني مثلا هتأكل الشوكليت كيك اللي مستنيها طول الإسبوع.
النوع ده بيرشحة كتير من خبراء التغذية ويطلق عليه “الفري ميل” أو الوجبة الفري. خبير التغذية اللي بيساعدك على إنك تحط نظام غذائي ممكن يحطلك في البرنامج بتاعك كل كام يوم وجبة فري علشان يخليك متحمس ومثابر على الدايت بتاعك. بينك وبين نفسك لما بتقى عارف إنك قريب هتعرف تأكل اللي إنت عايزه هيديك حافز أكتر إنك تكمل.

بس أوعى تضحك على نفسك إنك الوجبة الفري مش هتأثر عليك. مش علشان هي محسوبة ومعمول حسابها يبقى ملهاش تأثير. أكيد جسمك هيمتص منها المواد الغذائية اللي هيمتصها في أي وقت تاني. الوجبة الفري كمان ممكن تأثر على شهيتك وتخليك جعان أكتر بعد ما جسمك بيتعود على أكل أقل مثلا بعد كام يوم دايت.

افتكر ان فيه فرق شاسع بين الوجبه الفرى واليوم الفرى! خلى الوجبه الفرى فى نص اليوم او فى اوله لو قدرت عشان تلحق تحرق سعراتها الحراريه باقى اليوم. حليك فاكر ان الهدف من الدايت مش انك تخس كام كيلو وترجعلهم بعد كدا، هدف اى دايت او رجيم انك تغير نمط حياتك. الأكل مش حيطير مش لازم تاكل كل حاجه كنت ممنوع تاكلها طول الاسبوع عشان الدايت فى وجبه واحده او يوم واحد. خلى مكافئتك لنفسك انك مثلا تنزل تشترى حاجه ولو صغيره لنفسك. الاكل عمره ما كان مكافئه!

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *