حماتك – على ابنها حنونة وعلى مراته مجنونة!

على ابنها حنونه وعلى مراته مجنونه” ظهرت الكثير من الأمثلة العربية لتصف العلاقة المجنونة بين الحماة والزوجة والتي برغم من تقدم المجتمع، لسة مستمرة” تشتكي الكثير من الزوجات من تدخل حماتها المستمر فى حياتها مثلا تتدخلها فى تنظيم امور البيت، تربية أطفالها وما يخص أمور الزوجة الشخصية مثل العمل والخروج  وكمان تتدخل فى العلاقة بين ابنها وزوجته وفى خلافتهم. طبعا كثير من المتزوجات واجهوا معظم المشاكل دي بس للاسف بسبب انهم معندهمش ذكاء عاطفى واجتماعي يخليهم يكسبوا الحماة. فلو انتي هتتجوزي قريب، لازم تعرفى الامور دي كويس.

عليكي ان تعرفى ان الحماة ام فى الاصل بذلت الكثير من جهدها ووقتها وافنت حياتها لتمنحك ابنها فمن الطبيعي أن تغار منك أم زوجك; لانك اصبحتي تشريكيها حبه واهتمامه بعد ما كانت هى كل حبه، عاشت عمرها كله من أجله وسهرت الليالي من أجل تربيته. ومن الطبيعي انك تلاقى صعوبة فى التعامل معها، لذا فعليكي كسب ثقتها بذكاء وان تعتبرها فى منزلة أمك وتحسن معاملتها حتى وان كان فى بعض الخلافات فى وجهات النظر.

حاولى من البداية ان تحتويها والتقرب إليها و إرضائها، خدي رأيها دائما وبينلها ان رأيها مهم ليكي، كلميها كل فترة اسالى عليها وشوفى لو هى محتاجة حاجة، إعمليهالها وأعرفى (أن من يزرع الحب لا يجني إلا المودة ومن يزرع الكره لن يحصد سوى الشوك) بالعكس مكانتك عندها هتزيد وهعتبرك بنتها

أصبري عليها وعامليها كويس حتى ولو أساءت اليكى ببعض التصرفات اللى ممكن متعجبكيش زي تصرفي ازاي او تشتغلى ليه وإفتكري دائما فرق السن بينك وبينها وإعرفى ان فى اختلاف فى العمر والجيل علشان كدة تقبلى اختلاف رأيها فى الحاجات دي

لو بعد كل اللى بتعمليه معاها هى لسة ينتقدك و بتعمل مشاكل بينك وبين جوزك، حاولى تشرحى لجوزك بمواقفك العملية من غير ما تشتكي وضعك مع أمه وخذي رأيه إزاي تعرفي تكسبيها

اخر حاجة اوعى تدخلى معاها فى مواجهة من اي نوع حتى لو حاولتى بلطافة وانتى بتتكلمى معاها لانك ببساطة هتفشلى ومش هتقدري تمنعها من توجيه الانتقادات ليكي بالعكس هتزيد وحياتك هتتحول لصراع دائم

فى النهاية من حقك أن تكوني حرة فى بيتك ومع عائلتك وان تكوني مستقلة ومن حقك ان حماتك تحترم خصوصيتك وتعرف ان ابنها مش لسة طفل وانه بقي راجل راشد وله حياة مستقلة و محدش يقدر يلومك على شعورك بالحزن والعصابية لكن حاولى دايما التحكم فى أعصابك و متحطيش نفسك فى موقف الدفاع عن النفس لانك حتى لو انتى احسن زوجة فى الدنيا، حماتك دايما بتبقى شايفة انها كانت تهتم بابنها احسن منك.

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *