سلطة الكينوا مع الخضار والفاصوليا

الكينوا من البذور اللى ليها فوايد كتير زى مثلاً انها غنيه بالاحماض الامينية الاساسيه اللى جسمك محتاجها وكمان غنيه بالألياف والفيتامينات.

وصفة النهاردة سهلة وسريعة جداً وتنفع كطبق جانبي أو كسناك في الشغل، وأهم حاجة إن لكل إضافة من إضافات الوصفة دي فايدة صحيه كبيرة!

سلطة الكينوا مع الخضار والفاصوليا

بالنسبة للمقادير هنحتاج:

كوباية كينوا

كوباية ونص مياه

بشر ليمون

كابوتشي مقطع

 فلفل ألوان مقطع مكعبات صغيرة

كوباية فاصوليا مسلوقة

أما للتتبيلة هنحتاج:

3 ملعقة عصير ليمون

نصف ملعقة سكر

 ملعقة كزبرة مفرومة

 ملعقتين زيت زيتون

ملح وفلفل

الطريقة:

أول حاجة هنغسل الكينوا وبعدين نغليها في كوباية ونص مياه مضاف ليهم ملح وبشر الليمون، أهم حاجة النار تكون هادية والحلة تكون متغطية. هتحتاج تقريباً 20 دقيقة عشان تستوي.

بعد ما الكينوا تستوي هنسيبها تبرد وبعدين هنخلطها مع الكابوتشي والفلفل الملون والفاصوليا.

الخطوة إللي بعد كدة هي إننا نخلط كل مقادير التتبيلة مع بعض ونضيفها على الكينوا والخضار.

It's only fair to share...Share on Facebook3Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *