طرق طبيعية للتخلص من السيلوليت

لو بتعاني من السيلوليت فمتقلقيش إنتى مش لوحدك! رشاقتك وجمالك من أهم الحاجات بالنسبة لك. كلنا بنجرب تقريبا كل حاجة تحافظ على بشرتنا وعلى جسمنا، بس للأسف السيلوليت مشكلة عند ستات كتير وممكن تخليهم مش مستريحين أو حتى تقلل ثقتك في نفسك.
الكريمات والوصفات اللي ضد السيلوليت كتير، بس برضو مش ببلاش! لو بتحاولى ترجعي جلدك مشدود ومنغير سيلوليت فإنت ممكن تلاقى نفسك بتخلصي كل ميزانيتك على الكريمات اللي بتوعد بس وما بتوفيش! علشان كدة جايبنلك طرق طبيعية ممكن تجربيها لو عايزة جلدك يرجع مشدود ومنغير سيلوليت!

Female squeezes cellulite skin on her legs - close-up fragment

تمارين الأوزان

تمارين الوزن من أهم الطرق اللي ممكن تساعدك تتخلصي من السيلوليت. ليه؟ لان السيلوليت ده عباره عن دهون مش متوزعه مظبوط تحت الجلد، فالحل الامثل انك تحاولى تشدى الجلد دا. الرياضه مفيده بصفه عامه بس تمارين الاوزان بتسرع شد الجلد عن طريق تقوية االعضله نفسها. التمرين  كمان هينشط الدورة الدموية وينشط الخلايا.

  سكراب القهوة للجسم

جربي سكراب القهوة لصحة بشرتك عموما. الوصفة دي هتنضف جلدك من الشوائب وتنشط دورة الدم في جلدك، وكمان القهوة هتشده وتخليه أنعم صحى اكتر. جربي تحطي ربع كباية قهوة مطحونة مع ثلاث معالق سكر وحوالي ثلاث معالق زيت جوز هند، إخلطيهم كويس لحد ماتعملي معجون. إستخدمي شوية ودلكيهم علي جلدك مع شوية ضغط وبعدين إشطفيه. السكراب ده كمان ريحته هايلة وهيخليكي تنتعشي جدا!

الاوميغا 3

الأكلات اللي فيها أوميغا 3 زي التونة والسلمون والسردين الاسماك بصفه عامه مفيدين مش بس لجسمك كمان لبشرتك. في دراسات بتقترح إن الأمويغا 3 بتساعد على تقليل السيلوليت مع الوقت. ومع كل فوائد اللأوميغا 3 لجسمك، فأكيد التجربة مش هتضر.

حمام بخار

في نظرية تانية بتقول إن السيلوليت بيساعد عليه تراكم الشوائب في الجسم والجلد، حمامات البخار والحمامات الطبيعية اللي بتنضف بشرتك ممكن تساعدك كتير لأنها بتنقي بشرتك بطريقة طبيعية ومنغير ما تأذيها. حاجة كمان ممكن تساعدك إنك تتخلصي من مستحضرات البشرة وكريم الترطيب اللي مش طبيعي، حاولي تستخدمي مرطبات بشرة طبيعية زي الزيوت الطبيعية مثلا علشان تحافظي على نضارتها وصحتها.

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *