عشر نصايح لازم تعرفها قبل سن ال25

أنا عندي 25 سنة، ممكن أكون موصلتش لمرحلة النضج الكاملة  لكن عندي عشر نصايح هتساعدك وانت فى السن دا. لان هو دا الوقت اللى بيحدد سواء هتعيش حياة كلها فرص ونجاح ولا هتعيش حياة مملة زي اللى بيعشها ملايين من الناس:

1.  بطل تنتقد نفسك واعرف ان محدش مابيغلطش

سامح نفسك على كل الأخطاء والقرارات الغلط  اللى انت اخدتها، لان لولاها مكنتش هتعرف الصح وتتعلم منه

2. مفيهاش حاجة لو انت لحد دلوقتى مش عارف انت عايز تبقى ايه

كل اللى عليك تعمله هو انك تمشى وراء شغفك والحياة هتوجهك لطريقك الامثل وإعرف ان معظم العظماء بقوا عظماء بعد سن ال40

لو بتحب آلة موسيقية معينة، روح اتعلمها، بتحب الرسم! ارسم، بتحب الطبخ، اتعلم وممكن تفتح مطعم يبقى زي كنتاكى

Traveler walking along the road to the mountains.

3. مش مهم نهائى رأي الناس فيك وهقولك على نظرية ال 18، 40،  60

هى واحنا فى سن من 18 الى 40 بنبقى مهتمين اوى برأي الناس اللى حوالينا فينا ولما بنوصل لسن من 40 ل 60 بنقول ان احنا مش مهتمين برأي حد ونبتدي نعمل اللى احنا عاوزينه ولما نوصل 60 هنكتشف الحقيقة الكاملة وهى ان محدش اصلا كان مهتم بيك وان كل واحد كان مشغول بمشاكله.

4. اضحك كتير وأستمتع بحياتك!:

كتير من الشباب مكتئبين وهما لسة فى بداية حياتهم بحجة ظروف الحياة الصعبة زي مثلا  خسارة حد بتحبه، مدخلتش الجامعة اللى نفسك فيها او ملقتش وظيفة أحلامك. محدش قال ان الحياة المفروض تبقى سهلة علشان كدة لازم تغير منظورك للحياة وتبصلها بشكل إيجابي وتحمد ربنا على كل النعم التانية اللى عندك وانت مش شايفها.

woman-laughing-and-smiling

  5. ماتخفش من الفشل:

الفشل هو الطريق الوحيد للنجاح وافتكر ان توماس إديسون فشل 2000 مرة قبل ما يخترع أول لمبة نور! اهم حاجة ما تيأس ومتستسلمش واكيد هتنجح

failure-and-success

 6. جرب كل حاجة نفسك تعملها

لان بعد 10 سنين من دلوقتي هتندم على كل الحاجات اللى معملتهاش مش اللى عملتها! لو نفسك تلعب باركور! روح دلوقتى او لو عايز تشترك فى نشاط معين متضيعش وقتك

parkour-crop

7. اقرا كتير واشتغل على نفسك:

ما تسبش حاجة مكتوبة قدامك ومتقرهاش واقرأ فى كل حاجة فى الفلسفة والتاريخ ومجال شغلك وطور من نفسك هو دا اللى هيخليك انسان متطور وعندك فكر وشخصية احسن ما تضيع وقت وانت قاعد على القهوة او قدام التلفزيون.

books-to-read_image

8. ماتاكلش فاست فود!

انت بدخل جسمك كمية دهون مهدرجة فى كل مرة بتاكل فاست فود وبضر جسمك وبتدمر صحتك! احنا دايما بتبتدي نحافظ على وزننا لما نكون خلاص تخنا، طب ليه! حافظ على جسمك وكل اكل صحى ومتكامل! صدقنى جسمك هيشكرك على الكلام دا وانت فى ال30

fast-food-ban1

9. العب رياضة

 جسمك دلوقتى فى اكتر مرحلة يبنى نفسه فلو لعبت رياضة هتبنى عضلات اكتر لان بعد سن الثلاثين قدرة الجسم على بناء العضلات بتقل. اشترك فى جيم او روح كروس فيت.

10. دي اصعبهم، اتعلم ازاى تتحكم فى نفسك

واحنا صغيرين اهلنا هما اللى بيتحكموا فى تصرفاتنا فبنخاف نكدب او نسرق او منعملش اللى مطلوب منا بس اول لما بنكبر كل دا بيتغير وبيبقى احنا اللى مسؤولين بالكامل عن تصرفاتنا. علشان كدة بنسمع عن مشاكل الإدمان زي التدخين والسمنة! لازم تعرف ازاى تتحكم فى شهواتك ورغباتك من دلوقتى والا حياتك هتتدمر قدام!

self-control-1

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *