فوائد سحرية لأعشاب المورينجا

شجرة الرحمة – شجرة اليسر – النبتة المعجزة… كل دي أسامي مختلفة إتسمت لشجرة المورينجا إللي منها بيستخرج أعشاب المورينجا، وتعتبر واحدة من أفيد الأعشاب في العالم الواسع بتاع الأعشاب. كل جزء في النبتة دي بتضمنلك فيتامينات ومعادن وبروتينات وفوائد تانية.  28 جرام من المورينجا بيحتوي على فيتامين أ أكتر من الموجود في الجزر وحديد أكتر من إللي في السبانخ  وكالسيوم أكتر من الموجود في اللبن. نسبة البوتاسيوم إللي في أعشاب المورينجا أكتر من إللي في الموز وبتحتوى على فيتامين سي أكتر من الموجود في برتقاله واحده  ومحتوى البروتين قد الموجود في البض واللبن كامل الدسم – منغير الدهون واسعارات الحرارية العالية.

مش بس كدة، أعشاب المورينجا بتدينا 5 فوايد سحرية ومفيدة جداً لحياتنا اليومية:

  • بتخفض ضغط الدم المرتفع و بتدي طاقة عظيمة.
  • مضادة للإلتهاب.
  • لو متضايق وحاسس إنك أوف موود، جرب تشرب كوباية من أعشاب المورينجا لأنها مضادة للإكتئاب وبتحتوي على فيتامين ب 6 والمغنسيوم والبوتاسيوم إللي بيحافظ على سلامة الجهاز العصبي وكمان مفيدة في حالات الأرق، يعني مفيش تقلب فى الموود تاني.
  • لكل الامهات أعشاب المورينجا مفيدة جداً لزيادة اللبن للرضاعة.
  • التجاعيد ضد قوانين المورينجا! لأنها تحتوي على مضادات الأكسدة والأحماض الأمينية المفيدة في علاج وتجديد خلايا الجلد والبشرة.

المقال شجعك وعايز تجرب؟ أعشاب المورينجا موجودة عند أي عطار أو سوبر ماركت، ممكن تتغلي وتتشرب بدل الشاي أو تستخدمها كأعشاب مجففة على الأكل (هتبقى حلوة أوي مع الشوربة والسلطات) أو إشربها سموثي مع لبن جوز الهند.. ياسلااام لو خدتلك منها ملعقتين كل يوم كإنها ال ديتوكس درينك بتاعك هتفرق جداً في صحتك

photo _ tea_moringa

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *