فوائد وأضرار المياه القلوية .. إتعرف عليها

فوائد وأضرار المياه القلوية

فوائد وأضرار المياه القلوية

ممكن تكون سمعت عن المياه القلوية خصوصاً في الأيام الأخيرة، وسمعت أنها بتساعد على إبطاء عملية الشيخوخة، وتنظيم الرقم الهيدروجيني للجسم، بالإضافة إلى إنها بتمنع الأمراض المزمنة، لكن هل ده صحيح؟ الإجابة على كل التساؤلات دي هتلاقيها في المقال التالي:

عزيزي القارئ. إيه هي المياه القلوية ؟ المقصود بالقلوية في المياه القلوية هو الرقم الهيدروجيني، ومستوى الرقم الهيدروجيني هو رقم بيقيس مدى حمضية أو قلوية المواد على مقياس من 0 إلى 14، يعني على سبيل المثال، الأطعمة مع الرقم الهيدروجيني رقم 1 بتعتبر حمضية جدا، وعلى رقم 13 بتعتبر قلوية جداً. بتحتوي المياه القلوية على مستوى أعلى من الرقم الهيدروجيني بالمقارنة مع مياه الشرب العادية، وعشان كده بيعتقد البعض أن المياه دي قادرة على تنظيم درجة الحموضة في جسمك، وعادة ما بيكون لمياه الشرب العادية درجة رقم هيدروجيني محايدة بتصل إلى 7 أما المياه القلوية فعادة ليها رقم هيدروجيني من 8 إلى 9.

فوائد المياه القلوية

بتعتبر المياه القلوية مثيرة للجدل، وفيه كتير من المعترضين على استخدامها، ورأيهم أنه مفيش أبحاث كافية بتدعم  الفوائد اللي بتتقال، لكن وفقاً لموقع مايو كلينيك بتعتبر المياه العادية هي الأفضل بالنسبة لمعظم الناس، خاصة مع عدم وجود داعم للإداعاءات بالفوائد. لكن مع ده فيه بعض الدراسات اللي بتشير لفوائد المياه القلوية لبعض الحالات، يعني في دراسة أجريت أظهرت أن شرب المياه القلوية مع الرقم الهيدروجيني 8.8 ممكن تساعد على تعطيل الببسين، وهو الإنزيم الرئيسي الذي بيسبب ارتداد الحمض. وأشارت دراسة أخرى أن شرب المياه القلوية ممكن يكون ليه فوائد للي بيعانوا من ارتفاع ضغط الدم، والسكر وارتفاع الكوليسترول، ومع ذلك فيه حاجة لمزيد من البحوث.

بالنسبة لفوائد المياه القلوية اللي قالها البعض فبتتمثل في: مكافحة الشيخوخة من خلال خصائص مضادات الأكسدة، خصائص لتطهير القولون، دعم الجهاز المناعي، الترطيب خاصة لصحة الجلد، خسارة الوزن، مقاومة السرطان.

الآثار الجانبية وأضرار الماء القلوي

بالرغم من أن المياه القلوية بتعتبر آمنة للشرب، لكن فيه بعض الآثار الجانبية المحتملة للمياه دي ومنها، خفض أحماض المعدة الطبيعية، اللي بتساعد على قتل البكتيريا وطرد مسببات الأمراض الغير مرغوب فيها من دخول مجرى الدم. كمان ممكن يسبب الإفراط في النسب القلوية في الجسم في التسبب في مشاكل للجهاز الهضمي، وتهيج الجلد، كمان الكتير من القلويات ممكن يسبب التأثير على درجة حموضة الجسم الطبيعية، وده بيؤدي إلى القلاء الاستقلابي وممكن ينتج عنه الأعراض التالية:

غثيان وقئ، هزات اليد، ارتعاش العضلات، وخز في الأطراف أو الوجه، ارتباك وتشوش، القلاء كمان ممكن يسبب انخفاض الكالسيوم اللي بدوره بيؤثر على صحة العظام، ومع ذلك فالسبب الأكثر شيوعاً لنقص الكالسيوم في الدم مش شرب المياه القلوية، ولكن بسبب عدم نشاط الغدة الدرقية.

أنواع المياه القلوية

بتعتبر المياه القلوية طبيعية لو كانت المياه بتمر بين الصخور زي الينابيع اللي بتلتقط بدورها المعادن واللي بتزود من مستوى القلوية في المياه. وبتكون صناعية وفقاً لرأي بعض الخبراء، بسبب العملية الكيميائية اللي بتعرف بـ التحليل الكهربائي، وده لرفع درجة الحموضة للمياه العادية من خلال ما يعرف بالمؤين، وبيذكر المصنعين أن الكهرباء بتستخدم لفصل الجزيئات في الماء اللي بيكون حمضي أكتر أو قلوي أكتر، وهنا بيذكر الأطباء والباحثين أنه مفيش أبحاث كفاية بتدعم الفوائد، كمان بتحذر منظمة الصحة العالمية من شرب المياه اللي فيها محتوى معدني منخفض بشكل منتظم.

إزاي ممكن نصنع المياه القلوية في المنزل؟

نقدر نصنع المياه القلوية في المنزل من خلال إضافة عصير الليمون، وعلى الرغم من درجة حمضيته، لكن الليمون بيحتوي على المعادن التي بتقوم بتغيير تكوين المياه، ضيف عصير الليمون لكوب من الماء وبالتالي هيبقى قلوي أكتر. تقدر كمان تضيف صودا الخبز عشان المياه تبقى قلوية بشكل أكتر.

“من المهم إستخدام المياه المقطرة، لأن مياه الصنبور أو المياه المعبأة في زجاجات بتكون ليها إضافات تانية.”

هل الماء القلوي بيعتبر آمن للشرب؟

في الحقيقة بيعتبر جوهر الخلاف بالنسبة للمياه القلوية هو مدى قدرتها على تحقيق الفوائد اللي بيدعيها البعض، مش مدى الأمان في الشرب، المياه القلوية آمنة بشكل عام لأنها بتحتوي على المعادن الطبيعية، ومع ده لازم نتوخي الحذر من المياه القلوية الاصطناعية اللي بتحتوي على قدر أقل من المعادن مقارنة بارتفاع درجة الحموضة فيها، لأن الإفراط فيها بيسبب نقص المعادن في الجسم. في النهاية عزيزي القارئ، قبل ما تقوم بتغيير عاداتك من تلقاء نفسك مع كل الجدل ده، بننصحك باستشارة الطبيب الخاص.

Share this...
Share on FacebookShare on Google+Tweet about this on TwitterShare on LinkedIn

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *