ليه العسل مفيد لجسمك أكتر من السكر ؟

بتصحى الصبح على كوباية شاي مع ملعقتين سكر و معاها أي حاجة حلوة تديك طاقة قبل ما تروح الشغل ؟ يبقى يمكن تكون سمعت أن السكر مضر لجسمك زيه زي الملح، لكن لو الأكل مينفعش يتعمل من غير ملح، السكر له بدائل كتير تغنيك عنه و أهمها طبعاً العسل الأبيض.

أستعمال العسل للتحلية أقدم من أستعمال السكر نفسه، و فوايده الصحية سببها أنه بيتم أنتاجه بشكل طبيعي بخلاف السكر اللي بيتم تصنيعه، ده غير أن السكر بيكون فيه كمية فركتوز أكبر من الجولوكوز لأن طعمه مسكر أكتر، لكن المشكلة هي أن الجسم مش بيقدر يحول الفركتوز لطاقة بسهولة زي الجولوكوز فبيخزنه الجسم في شكل دهون، و عشان كده العسل أحسن بكتير لأي دايت صحي عن السكر و خصوصاً لو بتحاول تقلل وزنك.

cinnamon-honey

مش بس كده، العسل هيساعدك على تحسين ذاكرتك كمان، فوايد العسل الصحية من ضمنها أنه مليان مضدات أكسدة بتساعد على تحسين صحة الخلايا في مخك لدرجة أن معلقة عسل واحدة في اليوم هتساعدك على تحسين ذاكرتك، و اللي بيزود قدرته على تقوية الذاكرة هو أنه بيخلي الجسم يمتص الكالسيوم أسرع، و الكالسيوم بيستعمله المخ عشان ينقل الإشارات العصبية بين خلاياه.

سبب كمان يخلي العسل مفيد لجسمك هو أنه فيه معادن زي الحديد و الصوديوم و البوتاسيوم، و كلها معادن مهمة جداً لصحة جسمك، ده غير الفيتامينات اللي فيه و من ضمنها فيتامين C و فيتامينات B1, B2, B3, B5, B6، و كل دي مركبات مش موجودة في السكر و عشان كده العسل مناسب لصحتك أكتر بكتير من السكر، ده غير أن الجلوكوز فيه سهل الهضم جداً و نسبة الجلوكوز و الفركتوز فيه بتحافظ على نظام طاقة متوازن في جسمك بيساعدك أكتر على التمرين في الجيم أو الجري لمسافات طويلة من غير ما تحس بإجهاد في عضلاتك.

honey-625_625x421_41461133357

العسل بيحارب البكتيريا كمان! أيوة، العسل فيه مواد بتقضي على أنواع مختلفة من البكتيريا و بتقوي مناعتك ضد الأمراض، و لو سخنت و عندك أحتقان في حلقك، فالعسل بيخفف جداً من ألم الأحتقان و بيحارب البكتيريا، ده غير أنه بيقاوم الحساسية و الكحة، و فوق كل ده تقدر تستخدمه لما تكون معدتك تعبانة لأنه مهديء ممتاز للحموضة و هيريحلك معدتك جداً.

فعشان كده صحتك و صحة أسرتك هتبقى أحسن بكتير لو أستخدمتوا العسل بدل السكر بشكل يومي لأن مش بس هتتخلصوا من أضرار السكر، لا و كمان هتستفادوا من كل مميزات العسل!

It's only fair to share...Share on Facebook1Share on Google+0Pin on Pinterest0Tweet about this on Twitter
الكلمات الدليلية:, , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *