مشروبات صحية ساخنة فى فصل الشتاء

كلنا فى فصل الشتاء بنحب نقعد فى البيت ندافى قدام التلفزيون او لقرائة كتبنا المفضلة وطبعا مفيش احلى من مشروب دافئ وطعمة حلو معانا وكتير مننا بيحتار فى نوع المشروب الاحلى علشان كدة هنقدم احلى 5 مشروبات صحية ساخنة فى فصل الشتاء وأختار منهم اللى يعجبك.

  • مشروب الشوكولاتة الساخنة:

    من ألذ وأطعم المشروبات الساخنة اللى بتدي طاقة وبتدفى فى فصل الشتاء وكمان ليها فوائد صحية كتير زي: إفراز المزيد من الاندورفين فى جسمك و هو الهرمون المسؤل عن السعادة و تحسين المزاج العام

المقادير: 6 ملعقة كبيرة الكاكاو – 6 ملعقة كبيرة سكر- 2 1/2 كوب لبن سائل خالى الدسم – 1/2 ملعقة صغيره فانيلا

الطريقة: تخلط الشوكولاته والسكروبعدين يضاف اللبن ويسخن على النار مع التقليب بعد كدة تزود الفانيلا ويستمر في التقليب لحد ما يبدأ بالغليان.

  • السحلب:

    من أشهر المشروبات الشتوية الساخنة اللى بيحبها كل المصريين وبيبقى المشروب الرسمى للأسرة فى عز ايام البرد فى الشتاء، وله قيمة غذائية عالية جدا وويحتوي على الأملاح المعدنية المفيدة للجسم والصحة.

المقادير: 4 كوب لبن – 1 ملعقة صغيره سحلب بودرة- 4 ملعقة صغيره سكر- 1 ملعقة كبيرة ماء الورد- 1 ملعقة صغيره قرفة ناعم

الطريقة: يضاف السكر الى اللبن و يقلب كويس لحد ما يدوب فى اللبن وبعد كدة يضاف السحلب على اللبن فى حلة على النار ويستمر التقليب حتى الغليان ولما يتقل القوام يضاف ماء الورد ويرفع السحلب من على النار على طول وبعدين يغرف السحلب فى كاسات ويزين بالقرفة

  • مشروب التفاح الساخن:

    من المشاريب الساخنة اللى بيحبها اصحاب المذاج فى الشتاء لانها مش بس بتدافى، كمان طعمها حلو ولذيذ ومفيد جدا لان القرفة تستخدم لعلاج نزلات البرد والانفلونزا العادية

المقادير:- 6 أكواب عصير تفاح – قرفة – 6 أعواد قرنفل – بشر قشر ليمونة واحدة

الطريقة: يصب عصير التفاح فى حلة على النارمتوسطة وتضاف القرفة والقرنفل وقشر الليمونة ويترك من 5 الى 10 دقائق لحد ما يبقى سخن من غير ما يصل الى الغليان وبعدين يرفع من على النار ويصفى السائل فى اكواب ويوضع اعواد القرفة او القرنفل

  • موكا ساخنة:

    ودي للناس اللى بتحب الشوكولاتة والقهوة مع بعض ومثالية جنب قطعة من الكيك او الكوكيز بالأضافة بأن القهوة تحسن مستوى الكولسترول في الدم وصحة الأوعية الدموية

المقادير: 2 ملعقة كبيرة نسكافيه- كوب لبن- 4 ملعقة كبيرة شوكولاتة سائلة او نسكويك- سكر حسب الرغبة

الطريقة: يسخن اللبن لحد ما يوصل لمرحلة الغليان ويضاف النسكافيه ويقلب كويس وبعدين توضع الشوكولاته

  • لبن بالزنجبيل:

    كتير من الناس بتحب طعمه الازع وحار وكمان بيساعد على النوم الهادئ فى ايام الباردة وهو مشروب هايل لمرضى السكر لأنه يخفض مستوي السكر في الدم ويعالج البرد والانفلونزا العادية

المقادير: 3 اكواب ماء- 4 ملعقة لبن بودرة- زنجبيل مقطع او 2\1 ملعقة شاي زنجبيل مطحون

الطريقة: يغلى الزنجبيل الطازج بقليل من الماء الاول وبعدين نقلل درجة الحرارة على نار هادئة ويضاف اللبن

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *