نصايح طبيعيه لعلاج الصداع

الصداع من المشاكل اللى ناس كتير بتواجهها بشكل يومى. كلنا لما بيجيلنا صداع بنبقى مش عارفين نعمل إيه ولا إيه علشان نخلص منه.  أسهل حل هو إنك تأخد حباية للصداع –سواء أسبرين أو غيره- لكن الادويه مش دايماً احسن حل عشن بعد فتره جسمك بيتعود على الادويه ديه وبتبطل تعمل مفعول- بالتالى بتضطر تعلى الجرعه، علشان كدة جايبنلكم شوية طرق طبيعيه 100% تقدر تعالج وتتخلص بيها من الصداع.

20130829waterglass

أول حاجة لازم تعرفها إن في كتير من الأوقات الصداع بيبقى سببه الجفاف أو قلة المياه، علشان كدة إتأكد إن جسمك مش بيعاني من الجفاف و إشرب مياه كفاية علشان تعيد ترطيبه لو جالك صداع. إشرب كباية مياه أول ماتحس بالصداع وإتأكد إنك تفضل تشرب كفاية طول اليوم. ممكن كمان تحط على المياه شوية ليمون هتفيد جسمك جدا وكمان هتخليها طعمها حلو.

حاجة تانية ممكن تعملها هتريحك من الصداع إنك تعمل كمادات ثلج على رأسك وقورتك. هات شوية تلج كسرهم وحطهم جوا قماشة أو فوطة وبعدين إستخدمها على قورتك حوالي خمس دقائق. ممكن كمان تبل قماشة بمياه ساقعة وتحطها على رأسك حوالي عشر دقائق لو مفيش ثلج. وممكن تجربها بمياه سخنه؛ بل قماشة وحطها على رقبتك من ورا (قفاك يعني!) أو خد دش سخن وخلي المية تنزل على راسك كلها.

جرب تشرب ليمون دافي لما يجيلك صداع. حط حوالي ليمونة ونص أو إتنين على كوباية مياه سخنة وإشربهم. الليمون بيساعدك تتخلص من الصداع لأنه  بيساعد جسمك يستعيد التوازن الحمضي القلوي.

جرب كمان تشرب نعناع. هات نعناع ناشف وحطه في ميه سخنة وسيبه حوالي عشر دقائق. ممكن تحليه بعسل لو حابب. النعناع بيساعدك تريح أعصابك وتتخلص من أعراض الصداع.

فيه طرق تانية كتير علشان تتخلص من الصداع. بس لازم تفهم الأول الصداع ده أسبابه إيه. لو هو صداع من العصبية أو الضغوط النفسية اللي في حياتك يبقى أكيد تجرب الطرق الطبيعية دي. لكن لو عندك صداع نصفي مثلا ومستمر أكتر من كام يوم يبقى ننصحك إنك تشوف دكتور ضروري لأن الصداع النصفي بالذات ممكن يكون عرض لحاجة تانيه أكبر. حافظ على صحتك وريح دماغك!

It's only fair to share...Share on Facebook2Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *