وداعا لهدايا عيد الأم التقليدية مع يماميا

الوقت دة من السنة هو وقت التفكير والتحويش لهدية عيد الأم إللي دايماً بنكون عايزينها مميزة ومختلفة عن هدايا السنين إللي فاتت وأهم حاجة تكون الأم محتجالها. تفكيرنا معظمه بيدور حوالين اللبس أو البرفانات والميك أب أو حاجة للمطبخ، بس في حاجة قدامنا كل الأمهات محتجالها وعمرها ما هتطلبها منك وللأسف إحنا دايماً بننساها وهي ” الراحة ” !  أيوا كل الأمهات نفسها ترتاح وممكن دي تكون أحلى هدية هتجلها، وبكدة إحنا مسكنا طرف الخيط.

أكيد فكرت قبل كدة تريحها وتتولى عمايل الطبيخ مثلاً بس إيه رأيك في فكرة تريحكم إنتوا الإتنين و مش لازم تتعب نفسك وتنزل وتلف؟ كلمة السر هي يماميا وهدية عيد الأم السنة دي هتكون راحة ماما.

لو مامتك بحب الأكل البيتي وملهاش في الأكل برة والمطاعم و نفسك تريحها من الطبيخ وحيرته والوقفة في المطبخ، إدخل على https://egypt.yumamia.com وإطلب منه الاكل جاهز او متجمد تسخنه وتعمله بعدين. كل الأكل إللي ممكن يخطر على بالك هتلاقيه على ” يماميا “.

8

فكرة ” يماميا ” إنها بتجمع أكفأ ستات البيوت الطباخات الماهرات للطبخ من مطبخهم ودة طبعاً بيكون بعد إجتيازهم إختبار ” يماميا ” للطبخ والنظافة وسلامة الأكل وعشان نضمن جودة الأكل،والمكونات ” يماميا ” هي إللي عليها شراء كل المكونات ومستلزمات المطبخ وبتوفرها للستات عشان يعملوا بيها كل الأكل إللي نفسك فيه. يعني ألذ أكل بيتي من أحسن ستات البيوت في مصر!

6

طبعاً دلوقتي بتسأل نفسك عن الأسعار والتوصيل؟ الأسعار كلها في متناول الجميع والأوردر ممكن تطلبه أون لاين وهيجيلك لحد عندك في الوقت إللي إنت عايزه وإللي هتحدده من خلال طلبك.

و عشان هدية ست الحبايب تكمل ممكن تطلب تورتة عيد الام مع بوكيه ورد جميل تجيلك مع أوردر يماميا.

يا سلام بقى لو عزمتلها بقية العيلة عشان اللمه تحلو. بعد ما الأوردر يوصل، ماتنساش بقى تحط التاتش بتاعك وتزوقلها ترابيزة السفرة وكل سنة وهي طيبة.

It's only fair to share...Share on Facebook0Share on Google+0Pin on Pinterest0Tweet about this on Twitter
الكلمات الدليلية:, , , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *