وصفة المكرونة بالفراخ في ربع ساعة

جايبنلك وصفة صحية وسهلة. الأكل الصحي مهم جدا. بس مش لازم يكون عندك وقت كتير علشان تطبخى لو إنتى عايزه تخلي أكلك صحي، في أكلات كتير مفيدة وصحية وممكن تعمليها في عشر دقايق بس.  جايبنلك النهاردة وصفة مكرونة بالفراخ مش بس صحية وسهلة، لأ دي كمان مش هتاخد منك أكتر من ربع ساعة!

المقادير:

  • 350جم مكرونة فارفلة (فيونكات)
  • 300جم بروكولي مقطع
  • 1 ملعقة كبيرة زيت زيتون
  • 3 قطع صدور فراخ مخلية وبدون جلد، مقطعة قطع صغيرة
  • 2 فص ثوم مفروم
  • 2 ملعقة كبيرة مسطردة
  • عصير برتفال (1 برتقالة كبيرة أو 2 صغيرين)
  • 25جم لوز محمص – قطع

طريقة التحضير:

  • حطي المكرونة تتسلق مع مييه كتير وملح وقبل ما تخِلص بثلاث دقائق حطي معاها البروكولي يستوي.
  • سخني الزيت في طاسة وإقلي معاه الفراخ وقلبيها كل شوية لمدة 8-10 دقائق. زودي الثوم مع الفراخ في أخر دقيقتين ليها على النار.
  • إخلطي المسطردة وعصير البرتقال مع بعض وزودي الخليط على الفراخ وسيبيهم على نار هادية حوالي دقيقتين. صفي المكرونة وحطيها مع الفراخ بالخلطة وزودي اللوز في الأخر.

بالهنا والشفاء

It's only fair to share...Share on Facebook0Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *