4 خطوات للوصول والحفاظ على وزن صحي

الدايت و الوصول لما يسمى ب وزن صحي بقي سيرة كل الناس اليومين دول. لو ركزت  في الناس اللي حواليك هتلاقي دايما في حد بيتكلم انه عامل دايت و انه عايز يخس، وفي اللي يقعد يتكلم هو خس كام  كيلو و فاضله كام، الدايت بقي عامل صداع لكل الناس… بس تفتكروا بجد ان الخسسان و كم الوزن اللي بتنزلوه في وقت معين  دي الطريقة السليمة عشان تكون صحي وجسمك مظبوط؟

يعني إيه وزن صحي؟

يعني الوزن اللي ميكونش فيه أي خطورة علي صحتك و ممكن ببساطة تعرف وزنك الصحي عن طريق مؤشر كتلة الجسم = الوزن بالكيلوجرام مقسوما على طولك بالأمتار. بس في عوامل تانية ممكن تأثر علي وزنك زي السن،كمية الدهون والعضل والمايه فى الجسم، الجنس(ذكر/أنثي) – فحاول تروح لمدرب لياقه بدنيه متخصص أو تروح عيادة تغذيه أو صيدلية فيها جهاز قياس، و تقيس نسبة دهون الجسم والعضلات والمياه، الخ ..

      “لازم تعمل نظام تمشي عليه “لايف ستايل  يكون مكون من أكل صحي وشوية تمارين رياضية عشان يفضل جسمك بصحة ومش ضعيف مايفقدش عناصر غذائية مهمة، الاربع خطوات :القادمة هتساعدك تخس وتحافظ على وزن صحي

fruits-and-vegetables

أولا:لازم تأكل خضار و فاكهة كل يوم

 أكدت أبحاث حديثة إن الخضار و الفاكهة بيقللوا جدا من الاحساس بالجوع  وبيخلوك تحس بالشبع و دا عشان بيتكونوا من الألياف و نسبة كبيرة من المياه. علي عكس الكيبوهيدرات اللى موجوده فى الاكلات التانيه اللى بنلجألها اول ما بنجوع.

فمن غير تكلفة عالية و بزيارة بسيطة للفكهاني و الخضري تقدر تعمل وجبات يومك،و خلى بالك من عدد السعرات الحرارية المكتوبة علي المواد الغذائية قبل ما تاكلها و ابعد عن اي حاجة سعراتها عالية.

oats-honeyville-16new

ثانيا: الألياف الألياف الألياف

.الأكل اللي بيحتوي علي الألياف بيساعد في التحكم في الوزن بشكل كبير عشان بيكتر من افراز هرمونات القناة الهضمية

و عشان الفطار أهم وجبة و كل متفطر بدري كل ما جسمك بيبدأ عملية الحرق بدري فدايما خلي فطارك بيتكون من الألياف زي الشوفان و الحبوب و الفواكهه, و حاولوا تشربوا كوبايتين مياه قبل أي وجبة بنص ساعة عشان تقلل من شهيتك و تأكل أقل

green-tea-in-a-cup

ثالثاً: الشاي الاخضر

اثبتت الدراسات إن الشاي الأخضر بيقلل نسبة الدهون في الجسم خاصة منطقة البطن وطبعاً الكرش مشكلة المصريين الأولي واحنا كمصريين اصلاً معروفين بحبنا للشاي و عاملين منه أنواع “شاي كشري, شاي صعيدى, شاي علي ماية بيض

فممكن نحاول نبدله بشاي أخضر و ممكن نحط عليه النكهات اللي بنحبها زي الشاي الأحمر بالظبط

رابعا: الحركة

ممارسة الرياضة 3 مرات في الاسبوع ممكن تكون من أفضل الحاجات اللي تخليك تحافظ علي وزن صحي و مش بس كدة هتقدر تطلع فيها الجهد و الطاقة السلبية و هتحسن من موودك و لو معندكش وقت خالص ممكن تركز علي حركتك اليومية في الشغل أو في البيت انك تكترها و تسرعها.

It's only fair to share...Share on Facebook1Share on Google+0Pin on Pinterest0Tweet about this on Twitter
الكلمات الدليلية:, , ,
التعليقات(3)
  1. sawssen dhwiwi 16/02/2016
  2. كوثر عنانى 09/03/2016
  3. rima saidi 03/07/2016

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *