4 طرق تحافظ بيهم على كلية سليمة

صحة الكلية من صحة الجسم لسبب بسيط , كليتك هي العضو اللي بينضف جسمك من السموم و المخلفات اللي بيشيلها ليها الدم، و لو كليتك مش شغالة كويس، السموم دي هتتراكم في جسمك و هتأذي صحتك، و للسبب ده بنلاقي أن تنضيف الكلية موجود في أقدم الممارسات الطبية عشان يتم منع تكون حصوات و المحافظة على صحة الكلية، عملية التنضيف دي سهلة و بسيطة و تقدر تعملها و أنت في بيتك و هتضمن ليك حياة صحية و كليتين يعيشوا معاك من غير مشاكل!

642x361-The_5_Best_Watermelon_Seed_Benefits

  • كل بطيخ و عيش صحي: الجو اليومين دول صيف و حر و الجسم محتاج أكتر كمية مية نقدر نشربها عشان نعوض العرق و السوائل اللي بيخسرها الجسم خلال النهار، و طبعاً لحسن الحظ جزء كبير من تنضيف الكلية بيعتمد على أن الجسم يكون فهي سوائل كتير و البطيخ من أحسن الفواكة اللي بتساعد على ده لأن نسبة المياة فيه عالية و كمان فيه مواد مدرة للبول بتخلي الجسم يتخلص بشكل أسرع من السموم و يحافظ على كلية نضيفة، لتنضيف سريع و سهل لكليتك قطع البطيخ لمكعبات صغيرة تكفي 6 كوبايات و أضربهم في الخلاط و أشربهم على مدى ساعة أو أتنين.

berry_basket

  • كتّر من التوت و الفراولة: الفراولة و التوت بكل أنواعه من الفواكة الغنية بمضادات الأكسدة و فيها مواد مغذية كتير بتحسن صحة جسمك، ده غير أن التوت بيخلص كليتك من حمض اليوريك اللي بيخرج مع البول و كمان بيحارب الإلتهابات اللي ممكن تظهر في المجاري البولية، فأستعمل التوت في عصايرك و خلي الفراولة جزء من فطارك كل يوم و هتبقى في السليم!

lemon-juice

  • كوباية ليمون سخن أول ما تصحى: ابدأ يومك بكوباية مية سخنة عليها شوية ليمون فريش قبل ما تفطر بربع ساعة لأن ده هيساعد على أزالة السموم من كليتك، و ممكن برضه تضيف نص كباية عصير ليمون على لتر أو لتر و نص شاي أعشاب و تشربهم خلال يومك.

detoxjuices

  • عصاير الديتوكس: الفواكة و الخضار مليانين مغذيات و مضادات أكسدة و فيتامينات جسمك محتاجها، فتخيل لما تحطهم مع بعض في كوباية عصير واحدة ؟ عصاير الديتوكس بتسحب السموم من جسمك بسرعة و بتحسن صحة الكلى و الكبد و القولون، و من الخضروات المناسبة للعصاير دي الجزر و الخيار و البنجر و الكرفس و الخس، و ممكن تضيف عليهم من الفواكة الأناناس و الكمترى و التفاح و الخوخ.

و من الناحية التانية، قلل من الملح و السكر في أكلك و أبعد عن القهوة و متكترش من المكسرات و المخبوزات بالدقيق الأبيض، و لو بتاخد مكملات غذائية أو بروتين، اتأكد أنك بتشرب كمية سوائل كافية لتنضيف الكلية لأنهم بيتطلبوا مجهود كبير من الكلى.

It's only fair to share...Share on Facebook7Share on Google+0Pin on Pinterest0Tweet about this on Twitter
الكلمات الدليلية:, ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *