4 طرق للتخلص من الكرش

 الكرش من المشاكل اللى مصريين كتير بيعانوا منه ومش عارفين ازاى يقدروا يتخلصوا منه. فلو نفسك تكون من غير كرش او نفسك كمان الناس تبطل تتريق على كرشك اونفسك تلبس البنطلون من غير متحس إن فى حاجة كاتمه على نفسك، يبقى لازم تقرى المقال دا وتمشى على الخطوات اللى فيه.

متكلوش بسرعة ولا كتير

لما بتاكل بسرعة الأكل مبيتهضمش كويس وده بيعمل عسر هضم فلازم تاكل براحة و الأهم إنك تحاول تاكل وجبات ضغيرة بس عددها كتير أحسن من إنك تاكل 3 وجبات كبيرة. طبعاً لازم تخلى بالك من انواع الأكل اللى بتاكله. امنع الاكلات اللى مليانه سعرات حراريه عاليه ودهون او سكريات.

دايت - الكرش

بطلوا الصودا و لبان

كلنا بنحب البيبسى،السفن أب،…..أى حاجة فيها سودا و خصوصا بقى لو مع الأكل بتزود الكرش.  بس جرب بقى تبدل الصودا بمياه بنكهات زى الليمون،الخيار أو النعناع  أما بالنسبة للبنات خصوصا و لأكيلة اللبان عموما  متخلوش االلبان عادة فى حياتكوا عشان اللبان بيساعد على الأنتفاخ فحتى لو بتحبوه أفتكروا أن أكيد شكلك أكيد هيكون أحلى من غير كرش.

دايت - الكرش

قللوا من البقوليات

البقولياتوالخضار  اللى زى الفول، العدس، البروكلى، القرنبيط ليهم طبعاً فوايد صحية كتير. بس لو بتعانى من الكرش بننصحك تقلل منهم شويه. مش معنى كده إنكوا تبطلوهم لأنهم فيهم ألياف مفيدة بس أهم حاجة إنكوا مثلا قبل متاكلوا فول و عدس إنكوا تنقعوهم لمدة ساعتين على الأقل قبل طبخهم و ده بيساعد على طرد الغازات اللى بتزود الإنتفاخ.  بالنسبة لمحشى الكرنب ..لو بتحبه زى كل المصريين متبطلهوش بس متاكلش منه كميه كبيرة و أشرب نعناع بعد متكله على طول

جربوا الوصفات الطبيعية

استخدموا حاجات طبيعية زى النعناع ، الزنجبيل، الاناناس ، الخضار زى البقدونس، الينسون و أهم حاجة الزبادى عشان هو أكتر أكلة بتقلل الأنتفاخ!

“النعناع” امضغوه  أو اشربوه كبديل للشاى.

“الزنجبيل” من أهم الأعشاب اللى بتحسن الجهاز الهضمى فحطوا معلقتين صغيرين جنزبيل مع كوب ماء ساخن هيساعد على تقليل غزات البطن و الإنتفاخ.

“الأناناس” مهم جدا عشان فيه إنزيمات البروميلين اللى بتساعد على تقليل الغازات و الإنتفاخ بس ممكن تشربوه كعصير أو حطوه على السلطة كنوع من أنواع التغير.

 “الزبادى” بيتكون من البروبتيك باكتريا و هو نوع من أنواع البكتريا المفيدة اللى بتقلل الإنتفاخ..بس أحسن وقت تاكليه بعد العشاء.

  “اليانسون”بيساعد على طرد الغازات من الجسم و تقليل الإنتفاخ فمن أحسن أنواع اليانسون هو إيزيس أورجانك و متوفر فى كل السوبر ماركت بأسعار تبدأمن 10.5 جنيه.

“البقدونس” كلوه عشان بيساعدة على دخول الحمام و ده بيخلص الجسم من  المياه الزائدة فبيقلل الإنتفاخ  فقدامك حلين يا إنك تضيف نصف كوب بقدونس على 2 كوب ماء و تشربه يا تحطه على السلطة كل يوم.

It's only fair to share...Share on Facebook2Share on Google+0Pin on Pinterest0Tweet about this on Twitter
الكلمات الدليلية:, , ,

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *