5 أكلات أساسيه علشان تبني عضلات

مع دخول الصيف، ناس كتير مهتمه تظبط وزنها وتخس اى وزن زادوه فى فترة الشتا ويرجعوا تاني للفورمة اللي هي. التمرين أكيد بيساعد في ده بس التمرين لوحده من غير أكل صحى ومظبوط مش كفاية. في أكلات كتير السعرات الحرارية فيها قليلة بس نسبة البروتين والمواد الغذائية التانية عالية وهم دول اللي المفروض تعتمد عليهم لأنهم هيساعدوك تقلل نسبة الدهون وتخس وفي نفس الوقت هيساعدوا العضلات إنها تاخد البروتين والحاجات التناية اللي محتاجاها.

cottage-cheese-forbaby

دول شوية من الأكلات اللي ممكن تحاول تعتمد عليها أكتر علشات تخس وتبني عضلات في نفس الوقت:

 

 

1- اللحوم الخالية من الدهون: 

خلونا نتفق ان البروتين هو العنصر الغذائى الاساسى اللى بيغذى عضلات جسمك. لو حتاكل بروتين حيوانى جى من اللحوم او الفراخ، اختار اللى فيه دهون اقل، زى صدورالفراخ مثلاً لان فيها دهون أقل من الأوراك أو أي قطعة تانية في الفرخة وطبعا مليانة بروتين. كمان صدور الفراخ فيها نسبة اقل من الدهون المشبعه عن اللحوم الحمرا وتأثيرها على القلب اقل بكتير. طبعاً افضل طريقه تاكلوا بيها الفراح هى الشوى. ابعدوا عن المقلى خالص.  

2- البيض: 

من الأكلات اللى سعرها فى منتاول الكل والسهلة ممكن تعتمد عليها علشان البروتين اللي عضلاتك محتاجاه. البيض فيه نسبة بروتين عالية جداً بالاضافه لتسع انواع مختلفه من الاحماض الامينيه، كمان البروتين اللي فيه من أسهل البروتينات للهضم، اكترمن كل الأكلات التانية وتقريبا مفيش أي مصدر بروتين تاني أسهل للهضم من البيض غير مشروبات البروتين. ومتقلقش من أكل البيض الكتير، علماء أثبتوا إن البيض مش مضر للكوليسترول ولا حاجة وإنك ممكن تأكل زي ما إنت عايز.

 

3- الجبنه القريش: 

 الجبنه القريش بعيداً عن انها تقريباًً موجوده فى كل بيت مصرى، بس هى كمان مصدر هايل لفيتامين ب 12 والكالسيوم وعناصر غذائية تانيه مهمه للعضلات. أكتر حاجه بقى ىبتميز الجبنة القريش انها فيها نسبة عالية من نوع بوتين نقى اسمه الكازين، وده بروتن هضمه بطىء فبيساعدك تحافظ على عضلات جسمك.

4- الاسماك خاصةً التونه: 

الاسماك خصوصاً التونه فيها نسبة عالية جداً من البروتين ومفيهاش دهون كتير. الاسماك كمان غنيه بالاحماض الامينيه والاوميجا 3 ودا اللى احنا بنسميه “زيت السمك” اللى له فوايد كتيره جداً للصحه وكمان مهم جداً لزيادة سرعة الحرق للجسم.

 5- المكسرات:

المكسرات مصر كويس جداً للبروتين والالياف والدهون الصحيه. حاول تاكل مكسات كوجبه خفيفه او سناك صحى بين الوجبات وانت فى الشغل او الجامعه لانها اكتر سناك مثاليه بتساعد عضلات جسمك.

It's only fair to share...Share on Facebook7Share on Google+0Pin on Pinterest0Tweet about this on Twitter

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *