6 مكونات طبيعية لحرق الدهون

6 مكونات طبيعية لحرق الدهون!! طبعا دي حاجة متتصدقش، الناس كلها بتقعد تدور علي أدوية و حاجات تحرق الدهون، و ميعرفوش إن فيه فعلا مكونات طبيعية بتساعد في حرق الدهون و بتعلى معدل الحرق فى الجسم او الميتابوليزم، بس في حاجة لازم تكونوا عارفنها إن المكونات دي مش سحر، دى لازم تكون مع نظام غذائي عشان تحسوا بفرق، متكلوش اليوم كله أكلات سريعة و مش صحية و تستنوا نتيجة سريعة من المكونات دي.

781454

1-القرفة:

 القرفه بتساعد علي توصيل الجلوكوز للخلايا أسرع، فبتخلي تخزين الدهون في جسمنا أقل بكتير، فحاول دايما تأخد مش أقل من نص معلقة قرفة يوميا عشان تشوف أثرها في حرق الدهون.

2-الطماطم:

ناس كتير متعرفش الطماطم خضار ولا فاكهة، مش مهم! المهم إنها مفيدة جدا لجسمك، و سعراتها الحرارية قليلة، و بتحسسك بالشبع. طبعاً مش حنوصيك بطبق السلطه كوجبه اساسية فى يوك، سهلة التحضير ومليانه بفوايد صحيه وغذائيه وسعراتها الحراريه قليله جداً.

3- الشاي الأخضر:

المعروف عن الشاي الأخضر إن فيه مواد مضادة للأكسدة، بس اللي بجد يهمنا إنه بيساعد علي التخلص من الدهون الزايدة، حاول تشرب كوبايه واحده كل يوم لحرق الدهون الزائدة وياريت لو جيت على نفسك ومضيفتش سكر عليه!

4- خل التفاح:

بيساعد الجهاز الهضمي و بيقلل الوزن تدريجيا، ممكن تحطه منه علي مياه و تشربوها قبل الغداء عشان كمان يقلل من شهيتك، و هتلاقي نفسك بتقلل من الأكل بين الوجبات لاحساسك بالشبع.

5-الفلفل الحار:

 التوابل الحاره والاكل الحار بصفه عامه بيعلى معدل الحرق فى الجسم لانه بيعلي درجة الحرارة في جسمك، فجسمك يبدأ يحرق سعرات حرارية زيادة، و عشان كدة أيوة ضيف فلفل حار أو صلصة حارة لأكلك.

6-الجريب فروت:

للأسف الجريب فروت مش موجود في قائمة مشتريات الفاكهة عند ناس كتير، بس لازم يكون موجود لانه من أكتر الفاكهة اللي بتساعد علي حرق الدهون و بتعلي سرعة الحرق

  وفي النهاية بنفكركم إن المكونات دي لازم تكون مع نظام غذائي صحى.. جربوا المكونات ديه وقولولنا النتيجه كانت ايه

It's only fair to share...Share on Facebook103Share on Google+0Pin on Pinterest0Tweet about this on Twitter
التعليقات(2)
  1. الخنساء 04/12/2016
    • abdulrahman agamya abdulrahman agamya 09/02/2017

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *